Biyernes, Mayo 6, 2011

Lowgeek

 
Puzzle Pieces by sarahr691 via Flickr.
This is to this as that is to that. 


Logic logican April 2011


Ilang weeks na akong tinetraining dito sa Asenshur at napapansin ko lang habang nagtatagal eh nauubusan na ng ipapagawa sa amin. Tapos na sa neuro-lab kung saan nareyp ang aming mga dila at lalamunan sa pagpronounce ng words; greymar session ni Adda (is it moving or not moving?);  may cultural session with Tzi (na I really don't know if I'd like her kasi proactive sya pero masyado syang malakas pumick-up ng sarcasm); may operational maturity chorva session with Tam (na mas naemphasize ang galing namin sa actingan through kaadikan sa role playing over the main topic na ettiquette); sa excel review with Gian (aka fat Mr. Fu, I mean matabang version ni Mr. Fu ha at dahil wala syang maskels at abs at wala rin syang highlights sa hair pero mas matabil ang dila nya kumoment); may IFRS session with Jekell (na more laugh kami kesa sagot sa mga questions nya); and lastly ang accounting overview ni Neil (na again eh more acting kesa accounting). After ng two weeks or so eh wala na kaming magawa sa training rooms. Boring boringan na! Naisip ko nga kaya lang kami pinapag-training trainingan kuno eh para masabi lang na may ginagawa at akswali filler period lang yon bago isabak sa knowledge transfer sessions starting May.

May isang araw lang na nakasubok kami ng telepresence. Parang nakawebcam conference kayo with foreynjer counterparts pero super hi-tech ang levelling. Parang kaharap mo lang sila, nakakamangha talaga. Walang ganon sa bundok.

And so there we were nakatambay sa computer labs one day hoping na kami ang sasabak pero no yung other batch pala muna ang iaaccommodate para matry nila mag-open ng Asenshur portal. Go na go pa naman kaming tapusin sana ang mga computer-based training modules na ginawang group effort sa pasahan ng sagot. Biruin mo ba naman ang scheduled time per session eh ranging from 1 to 4 hours pero natatapos namin within 10 minutes lang, mabagal pa yun sa pagki-click ha! Heniweys ayun yung kasabay naming other batch eh imbes makinig sa instructions eh may kanya kanya nang mundo at meron pa nga umaaccess ng mga restricted sites (like THAT mail service site and THAT social networking site and THAT microblogging site yah know). As if di namin sya makikita eh nasa likod kaming lahat nakaupo sa long table na akala mo panel of judges. I'm sorry dawg you're not going to Hollywood, your journey ends tonight. Mehganon?!

Right after ng computer lab eh pinapapunta kami sa training room. Eh wais na kami ngayon na bumibili ng food bago lumipat ng building dahil ayaw na namin mahaggard sa pagsakay ng elevaterrrs during lunch time. Wala pa ngang alas dose eh nakapaglunch na kami, ganon kami kaadvanced hahah! Sawaan nga lang sa pag-order ng siomais at sisigs.

May isang beses na wala na talagang magawa nagsimula kaming maglaro ng charades. Pero imbes na may random na aarteh, si Nomer lang ang umarteh all the way. Infernezz honggaling nya mag-isip ng clues ha. At dahil jan nahasa ang aming acting career, career talaga?!

The following day nagpasimula si Nomer maglaro ng isang logic game. This is YES *turo pataas* and this is NO *turo pababa* this is YES *turo sa kanan* and this is NO *turo sa kaliwa* THIS IS? AND THIS IS?

Bigla na lang may kung anong pwersang gumising sa aking diwa, parang kape ng kalimot, parang ammonia ng alzheimers, and poof it's all coming back it's all coming back to me now. There were moments of gold and there were flashes of light. Naalala ko ang mga pinakatatagong logic games.

This is 1 *turo sa pinky* this is 2 *turo sa ring* this is 3 *turo sa middle* this is 4 *turo sa index* this is 5 *turo sa thumb*. This is *turo sa middle*? FIVE! This is *turo sa pinky*? THREE! Mejo nashock yata sila nung una, pero inulit ulit ko hanggang may na-LSS na at nagets ang logic.

Sumunod non eh nagdalahan kami ng mga gamit kung saan saan. Meron sa Music Room. Meron sa Barbershop. Meron sa Jungle ni Tarzan*. Meron sa Buwan. Andaming naiwan at napagsarhan. May nagresign pa nga kasi hindi sya naipasok eh choz.

Nagdrawing drawingan din kami pero since limited lang ang may kakayanan sa drawing eh dito ito masyadong napush through. Si Thessa nagpalaro nung name the phrase base dun sa isusulat nya. Like UP 8 = Up before eight and so on. Si Harold nagpalaro nung magmomove ng sticks pero mas nainis kami kasi yung stick-giraffe daw nya eh di mawari kung anong klaseng hayop, parang zebra sa tingin ko choz. Si Nomer nagpahula ng malaki sa tatlong shapes pero ang trick yung pinakamaliit daw ang malaki dahil yung medium ang mas malaki at yung large ang pinakamalaki. Buset!

Binato ko pa sila ng dice, azzin literally may dice na involved. Not just one, not just two, not just three, not just four, but five! Imagine! The name of the game is Petals Around the Rose. Ayun after twenty throws ng dice si Nomer ang unang naka-break the code. Si Mark na parang casual passerby lang nakuha kagad in one throw, dahil knows na pala nya yun before.

Nilabasan din kami ni Gilbert ng color logic games. I mean merong nakasulat na mga names ng colors sa screen (or bond paper kung may access ka sa printer) pero iba yung color mismo nila. Ang trick eh dapat kapag itinuro sayo eh masabi mo yung color hindi yung nakasulat. Syempre nadaya ko sila sa pamamagitan ng pagblur ng vision ko hahah. Yes kaya ko magblur pero ang magfocus mahirap.

May nainvolve din na brain twisters na may involved na shapes. Yung bubuo ka ng diamonds and bundoks and bahays and lightnings ni Harry Potter and stuffs. Yah know nakita mo na yung game na yun nung bata ka na may 4 irregularly shaped polygons tapos gusto nya iform mo into a more regularly shaped object yah know.

Nagtry din kami maglaro ng situational logic games. Common issue eh may patay at nasa crime scene ka. Parang sumi-CSI lang ganon... or SOCO kung bet mo si Gus Abelgas. Meron nateging may tubig sa sahig, merong kumain ng penguin soup, meron may hawak na toothpick sa disyerto, meron may kalendaryo sa ulunan, meron nahulog sa puno at tumama ang ulo sa bato tapos inanod pa ng ilog. Pwede ka naman magtanong ng facts. Kaso sa dami ng irrelevant questions naging habit na naming itanong kung "factor ba yan?" Kasi nga naman baka ka mangungulit sa line of questioning mo kung wala namang epek sa story.

Naibigay ko rin yung mga bigating logic games na minana ko pa since highschool ata. Yung may involved na 4 wisemen at 2 red at 2 white hats. Meron din si Jett na binaong isang room na may tatlong switches at isang bumbilya. Meron din yung pabalik balik na tatawid sa ilog at may bangka na involved na dalawa lang ang capacity. Teka, ano ba ang tawag sa driver ng bangka? Driver kasi tawag ko sa mga puzzles ko eh hahah.

At syempre di rin mawawala yung mga nakakabuset na logic games. Yung pag-iisipin ka yun pala joke lang nakakabuset talaga. Para di namin maconfuse sa logic logican games eh tinawag na lang namin silang anecdotes. Maraming baon nyan si Nomer, Diane at Mark kaya buset na buset si Jett hahah.

Nakakatuwa lang at nakakauto ako, I mean nakakapagshare ng mga nalalamang wala namang praktikal na gamit sa pang-araw araw na buhay di ba. Akala yata nila genius ako eh sa totoo lang nahirapan din ako magsagot nyan dati. Una unahan lang yan hahah. Kung may graduation lang sa amin sa logic session na to, sigurado ang valedictorian at salutatorian eh sila Gilbert at Mark, in no particular order heheh.


~0~


Implikasyon: Logic comes in many forms, sizes, colors, sounds, shapes, gestures, numbers, situations, etc. Pero totoong logic ba yun or some kinda Jedi mind trick lang para mag-isip ka at magmuni muni?! Dahil sa totoo lang... walang LOGIC. Ang logic ay nasa puso ng tao, nasa puso nating lahat! Gets?


___________________
*although sa original-er version ni Herson may clue na nacutoff ko sa aking presentation dahil TMI sya—"ako si Tarzan at meron akong speech defect"
**kung interesado ka sa mga logic games, please contact me for more details. hahah
Mag-post ng isang Komento

LinkWithin

Related Posts with Thumbnails
Animated Social Gadget - Blogger And Wordpress Tips