Martes, Disyembre 4, 2012

The Hardest Word

Sorry by cdw9

Sorryness

Anong pinagkaiba ng sorry at apology? I apologize di ko niresearch. I am sorry. Gets?

Kung titingnan lang parang parehas naman. Pero kung susuriing mabuti magkaiba pa sila sa bukang liwayway at dapithapon. Alam mo ba ang pinagkaiba nila?

Ayon sa nakalap kong chismis, sinasabi lang daw yung apology kung inaamin mong may ginawang something dun sa tao na di naman dapat. Sinasabi mong sorry ka kung taus puso sa iyong ang paghingi ng paumanhin. Like pwede kang mag-apologize pero di ka nagsisisi sa ginawa mo. Pwede kang magsorry at di makaramdam ng pagtitika ngunit ito'y maituturing na pagsisinungaling.

Sa panahon ngayon marami na'ng taong sinasabi lang ang sorry just for the sake of saying sorry.

"I... AM... SORRY!" sey ni Ate Gloria noon kay Susan. Tinanggap ba ito? Syempre hindi dahil di taos sa puso ang paghingi ng dispensa.

"Is that how you say sorry? Oh sige na, sorry na! Ikaw ate, tanggap mo ba pag ganyan nagsorry sayo?" sey ni Amalayer. Totoo naman eh kahit sino mag iinit ang ulo kung ganyang klase lang ng pagsosorry ang matatanggap mo. Masabi lang nagsorry.

Sa panahon ngayon ang sorry ay namumulaklak lang na kasinungalingan sa bibig ng marami. Mga salitang di mo dapat paniwalaan at face value. Parang "I love you!" o kaya "don't call us. We'll call you!" o kaya "load mo ako 150 may sasabihin ako importante." Tanga na lang naniniwala basta basta sa mga sorry. I'm so sorry.

Akala ko di ako makakapagsorry ever. Feeling ko kasi ang sorry ay para lang sa mga weak. Parang tipong, I'll say anything I want and never be apologetic about it. Pero di ganyan ang takbo ng mundo. Matututo ka ring magpakumbaba ang humingi ng tawad.

Kanina. Akala ko honda ako but I was so wrong. Kelangan magOT. Sa kabilang team halos pauwi na lahat maliban sa isa. Pabiro ko syang binati. At ang sabi lang sakin "STOP IT! SASAKALIN KITA!" Nagsorry naman afterwards. Pero di ko na naramdaman. Nashock ako at nahurt. Urteh. I didn't mean anything malicious nung binati ko sya. Pang uplift sana ng feeling. Sino ba naman gusto mag OT?! Heniwey, kanya kanyang trip yan kaya walang basagan. Ayaw nyang binibiro, fine. Ayokong nasisisi sa walang kakwenta kwentang bagay.

At isa pa. May isang umanfriend sakin sa Facebook. Di naman big deal. Iviview ko sana yung pics nila sa recent out of town trip nila. Pagcheck ko wala na sa friends list ko. Nisearch ko pa sa friend list ng friend kasi di naman searchable ang profile nya.

Add friend. Yan ang tumambad sakin sa profile nya. Kebs. Di ko alam kung anong ginawa ko sa kanya para maasar sya at iunfriend ako. Di ko sya kilala, pero I sincerely apologize kung nasaktan sya sa mga jokes ko. Nakakasakay nga sya sa mga lait at okray sa kanya ng mga teammates nya eh. Ako pa'ng minsan lang sumundot ang kinaasaran nya? Di ko alam ganun na pala ang impact sa kanya ng jokes ko, if ever yun nga ang rason. Di nya ako kilala para bigla na lang mabuset ng ganon. Sa akin normal lang yon. At inuulit ko, sorry kung nakasakit ako ever.

Jokes are half meant. But sorries should always be fully meant.

At, di kagaya ni Gloria, uulitin ko, kahit market market, kahit pa ito daw ang  hardest word ayon kay Elton John.

I AM SORRY!

Linggo, Disyembre 2, 2012

Viewfinder

viewmaster by nickd3000

Namiss mo ba ang Friendster?

Well, magsisinungaling ako pag sinabing kong hindi. Bakit nga ba di ko mamimiss yun eh dun nagsimula ang lahat. Ang lahat ng kaadikan ko sa social networking. Ano nga lang ba ang nakakamiss dun? Yung mga parinigan na shouts? Yung mga sapilitang testimonials? Yung mga "Who's viewed you?" Yes.

Wala naman kasi non sa Facebook. Ilang apps at plug-ins na rin ang nagsulputang nagsasabing kaya daw nila ibigay yun. Ang ending mga hackers at viruses lang naman ang dulot nyan. Wag tularan!

Bakit nga ba tayo sabik makita kung sino ang nagview satin? Para sa ego lang ba to? Partly, yes. Nakakaexcite kasi malaman sino ba ang mga visitors mo. Teka, ano ano nga ba ang uri ng visitors.

Mga Uri ng Visitors

  1. Casual - mga napapadaan lang kasi may cool kang status, pics, or video na kakaupload lang. Other than that kebs lang sila sa other activities mo.
  2. Regular - araw araw vumivisit para sa possible likes at comments, in a normal, non-abusive way.
  3. BFFs - araw araw vumivisit para mang-okray sayo sa mga status updates mo. Kaya inimbento ang comment box para mabasa ng madlang people kung paano kayo magtalakan sa chatbox.
  4. Stalker - araw araw din bumisita para magpamudmod ng likes. Kahit ang pinost mo lang eh "Waiting in line to make jebs. Gosh so tagaaaahhhhl! IKR! @14F Handicap Restroom." ilalike pa rin nya. Lahat ng friends at mutual friends nyo alam na patay na patay sya sayo choz. Minsan nagcocomment din yan. At minsan nagpopoke pa. Utang na loob.
  5. Lurker - parang si stalker lang pero di nagpaparamdam. Ang taong tahimik nasa loob ang kulo. Mag-ingat! I-block/delete/unfriend/unfollow/unsubscribe kaagad at magpablotter sa iyong kaligtasan.
  6. User - mga nagvivisit lang para magplug ng pa-like mo pic ko please. Pwede ring nagtatag yan para magbenta ng ukay ukay business nila. At ang worse, bumibisita para magsend ng gift at neighbor request. Utang na loob part 2!
So, ngayon alam mo na ang mga uri ng viewers mo, ngayon handa ka nang alamin sino nga ba sila. May nakalap akong impormasyon na makakatulong sayo nyan. Tingnan nang buong laki ang larawang nakalakip.


Madali namang sundan ang steps di po ba?! So ginawa ko yan paulit ulit hanggang sa top 25 friends list ko nang maisip ko teka pwede ko naman sya iautomate. Open notepad. Save as text file. Open with Excel. Text to columns. Transpose to rows. Insert formula "="https://www.facebook.com/"&"B1" Boom! Ayun mega view ng top 100.

Ang feedback sakin nang mapost ko yan sa FB ko eh, verum est? Totoo ba to? Ano ba yung order, latest ba or something? Well, pakitingnan nga ulit sa step 7, BASA. There's your biggest stalkers' profile. Biggest. BIGGEST! Di naman sinabing latest. Or fattest. Biggest! So ano nga ba ang criteria ng ranking. I guess di lang sya basta basta visits. I think kasama jan ang interaction: likes, comments, pokes, and chats.

Sakin ang top 3 ko eh si Ezra, friendship ang food enthusiast, na isang BFF type na visitor. Number 2 si Aileen, officemate and certified emotera, na isang Regular type na visitor. Number 3 si JC, bunso ko at mas malaki ang sweldo nya sakin, isang Casual type visitor.

Chineck ko mula 100 din pababa. Kitang kita ang mga dating kaclose na nawalan na kami ng contacts masyado dahil nagsipagmove on na kami sa aming mga careers at interests. Nakita ko rin ang ilang crushes at ex-loves na kahit papano ay pasok sa 100 pero wala na ring contact. Siguro casual visitor sila from time to time. Ang sad lang nasa bottom 80 percentile sila ng viewers mo habang ikaw malamang nasa top 10 ka ng visitors list nila. Kaya nga dapat bawas bawasan na ang pag-iistalk.

BAWAL UMASA, MAY NAMATAY NA DITO!

At kahit ano pang pagvisit mo, di ka pa rin nila mapapansin. Ang ending, pang Friendster ka lang.

LinkWithin

Related Posts with Thumbnails
Animated Social Gadget - Blogger And Wordpress Tips